61 Mech | 61 Mech

Paul Louw was in 1980 ‘n peletonbevelvoerder by 61 Meg gewees en tydens Operasie Sceptic het sy peleton se 4 Ratels in ‘n konsentrasie van SWAPO se lugafweerstellings ingery en 12 lede van peleton 1 Bravo kompanie is dood in die skermutseling.

Om op 18 jaar oud aan die wrede werklikheid van oorlog blootgestel te word, sal sy merk op enige persoon maak, veral nog as jy moet deel met so ‘n intense situasie.

In hierdie TV program gesels Ruda Landman en ‘n psigiater met Paul oor sy belewenisse en die impak daarvan op sy lewe.

HP Ferreira was Paul se drywer in die peleton HK Ratel en kry ook ‘n kans om te vertel van wat met hom gebeur het en watter effek dit op sy lewe gehad het.