61 Mech | 61 Mech

Uitnodiging na die 61 Meg Veterane skouerskuur aan die Wes Rand — Woensdag 6 Maart 2013

‘n Skouerskuur vir 61 Meg Veterane en ondersteuners aan die Wes Rand van Johannesburg vind plaas op Woensdag 6 Maart 2013 by die Chilly Trench Bomgat/Shell Hole van die Moths in Roodepoort.

Roelf Schoeman gaan ‘n aanbieding kom doen oor hoe om te cope met die uitdagings van die Nuwe Suid-Afrika

The address is: Cnr. Dieperink and Meyer Streets, Roodepoort (opposite Magistrates Court).

Ons gaan vanaf 18h00 saam kuier en ons nooi al die 61 Meg veterane, hulle families en ondersteuners van die Wes Rand en omgewing na hierdie skouerskuur toe.

Dit is juis wat ons veterane nodig het — ‘n veilige plek waar ons kan kuier en gesels met ander manne wat ook daar was en wat verstaan wat dit was om daar te wees. Dit gaan nie oor grensvegterstories nie, maar dit is darem maar lekker as iemand verstaan as ‘n mens praat van Omuthiya, Cuito Cuanavale , operasies, seven days, Ratels, Noddykarre, kanondonkies, G5 kanonne, insypelings, casevacs, wegstaanbestokings, gatkruippatrollies, Rooikopbasis, Lohathla en harde opleiding.

Ons familie, gesinne en vrouens sukkel baie keer om te verstaan wat ons daardie tyd beleef het want ons Armylewe is ‘n vreemde wereld vir hulle, maar of hulle verstaan of nie, op ‘n indirekte manier het daardie tyd se ervaringe tog ook ‘n impak op die mense die naaste aan ons

Baie van die makkers was aan die begin maar eers huiwerig gewees om te gaan kyk wat gebeur by ‘n skouerskuur, maar as hulle eers hulle visums by hulle vrouens gekry het om ‘n skouerskuur by te woon en deur daardie aanvanklike weerstand teen die onbekende gebreek het en die ander veterane ontmoet het wat ook daar opgedaag het, dan word ‘n skouerskuur ‘n geleentheid om nie te mis nie. Ons beveel aan dat jy jou vrou ook sommer saambring skouerskuur toe as sy kans sien daarvoor

Kom ruk asseblief in groot getalle op en nooi jou pelle, vrou en kinders ook saam vir ‘n lekker kuier. Gesinne is vir ons belangrik. Alle ander veterane is ook welkom om by te woon.

We once again also wish to extend an invitation to the veterans of 4SAI/62Mech, especially the guys involved in Ops Modular and Hooper.

Kyk sommer of jou subskripsie by www.61Mech.org.za op datum is en hernu indien dit nodig is. Ons soek jou storie en foto’s op ons member site asseblief!

Please confirm attendance with zenocara@gmail.com and we look forward to see you there